Regionale kulturfond: Arrangement, kompetanseheving og nettverksbygging

Møre og Romsdal fylkeskommune inviterer eit breitt spekter av aktørar til å søke støtte til arrangement, kompetanseheving og nettverksbygging. Prosjekta skal bidra til eit opent, inkluderande og mangfaldig kulturliv i heile fylket.

Denne tilskotsordninga er finansiert over statsbudsjettet og ordninga regionale kulturfond. Formålet med desse midlane er at dei skal ...

... bidra til gode lokalsamfunn og eit ope, inkluderande og mangfaldig kulturliv i hele landet. Tilskotsmidlane skal stimulere til auka aktivitet og deltaking i kulturlivet, styrke samspel mellom profesjonelt og frivillig kulturliv, forsterke lokal og regional kulturfrivilligheit og bidra til auka kvalitet på kunst- og kulturtilbodet lokalt og regionalt.

Frå «Forskrift om Regionale kulturfond».

• Fylkesplan 2025-2028
• Fylkesstrategi for kultur - Meining, meistring og motstandskraft 2026-2030
  

Det du skriv i dette skjemaet blir lagra automatisk når du trykker på knappen [Neste].

For å vere på den sikre sida er det likevel lurt å lagre litt undervegs – kanskje oftere enn du tenker er nødvendig.

Har det gått 20 minutt uten aktivitet? Da kan utfyllinga av skjemaet ditt gå tapt om det ikkje er lagra. Hugs derfor å lagre undervegs! Du finn knappen [Lagre] i midta nedst til venstre.

• Arrangørar innan musikk, scenekunst, visuell kunst, kulturarv, audovisuell produksjon, litteratur, tverrgåande prosjekter
• Kommunar som arrangør eller tilretteleggar for samarbeid
• Kunst- og kulturinstitusjonar
• Profesjonelle kunstnarar og kunstnarfellesskap
• Små verksemder innan kulturell og kreativ næring*
• Frivillige lag og foreiningar og paraplyorganisasjonar med ein tydeleg kunst-, kultur og/eller kulturmiljøprofil
  

* Bransjane som er inkludert i næringa er:
Arkitektur, aviser og magasiner, reklame og event, TV og radio, musikk, film, dataspill, utøvende virksomhet (teater, dans, opera, orkester), visuell virksomhet (design, kunst, museum og kulturarv) og utdanning og undervisning innenfor næringen.

Kjelde: Anne-Britt Gran og Bjørn Eirik Olsen (red), «Kreativ Næring. Lokale, digitale og økonomiske perspektiver», Universitetsforlaget, 2021

1. Arrangement

Støtte for innleige av profesjonelle aktørar og utøvarar innan musikk, scenekunst, visuell kunst, kulturarv, audiovisuell produksjon, litteratur og tverrgående prosjekter
a. Honorar og reisekostnader
b. Leige av lokalar for øving, produksjon eller visning i samband med konkrete arrangement eller tiltak
c. Logistikk, grafisk materiell og anna marknadsføring samt andre reelle kostnader knytt til gjennomføringa av arrangementet

2. Kompetanseheving
Støtte til innleie av profesjonelle utøvarar og aktørar som bidreg til kompetanseheving. Tiltaka skal bidra til å bygge opp både kunnskap og kapasitet, og bidra til auka kvalitet på kunst- og kulturtilbodet lokalt og regionalt. Dette kan for eksempel vere: kurs, seminar, workshop og instruksjon.

3. Nettverksbygging

Støtte til å skapenettverk og møteplassar innan kunst, kultur og kulturmiljø, der profesjonelle utøvarar og frivillige kulturaktørar kan møtast, dele erfaringar og samarbeide.

Kva blir det ikkje gitt søtte til?

a. investeringar i eller vedlikehald av bygg eller anlegg

b. aktivitetar eller tiltak som hovudsakeleg inneberer idrett eller friluftsliv

c. kausjon eller anna økonomisk garanti

d. investeringar i tilskotmottakar sin eigenkapital

e. renter og avdrag på lån og refinansiering av gjennomførte prosjekt 

f. ordinær drift

Det blir ikkje gitt støtte til tiltak eller arrangement som har blitt gjennomført før søknadsfristen. De får ikkje støtte når dato for gjennomføring er under 6 veker etter søknadsfrist.

15. september 2026 kl. 23.59

15. januar 2027 kl. 23.59

1. mai 2027 kl. 23.59

Dette må søknaden din innehalde

• Budsjett med finansieringsplan (forventa inntekter og utgifter)
• Fyldig omtale av prosjektet
• Forklaring av korleis tiltaket treff prioriteringskriteria og mål i planverket
• CV eller anna omtale som visar kunstfagleg kompetanse hos profesjonelle utøvarar som skal leigast inn

Anna:

• Ein profesjonell utøvar må ha kunstfagleg utdanning på bachelornivå eller høgare eller kunne vise til kunstfagleg realkompetanse og profesjonell verksemd.
• Profesjonelle kunstnarar som blir leid inn skal behandlast likt og få lønn i samsvar med bransjestandard. Eksempel på slike standardar er Norsk skuespillerforbund, Norske dansekunstnere, Dramatikerforbundet, Regiforbundet og Creo.
• Godtgjering for reise, diett og eventuell overnatting skal skje etter Statens regulativ.

For å fremme tilgjengelegheit og inkludering oppfordrar vi alle søkarar til å bruke prinsippa om universell utforming. Da kan tiltak vere tilgjengelege for alle deltakarar uavhengig av fysiske eller kognitive føresetnadar.

Alle søknader blir først vurderte opp mot dei fire kriteria under. Når fleire søknader vurderast som like gode, gjer vi ei heilskapleg prioritering. Som fylkeskommune skal vi bidra til eit breitt og mangfaldig kulturtilbod i heile Møre og Romsdal. Vi vil derfor leggje vekt på at tilskota samla sett gir god geografisk spreiing, mangfald i uttrykk og deltaking, og at ordninga når ulike målgrupper.

1. Relevans

Relevans opp mot utlysinga: Bidreg tiltaket til å oppfylle formålet med ordninga?

2. Effekt og verdiskaping

• Verdiskaping: Arrangementet skal bidra til verdiskaping lokalt og/eller regionalt, for eksempel ved å treffe eit breitt publikum eller nye publikumsgrupper, skape nye kulturtilbod, legge til rette for nye samarbeid eller møteplassar.
• Arrangement med profesjonelle kunstnarar og utøvarar som bur i fylket
• Samspel og kvalitetsheving: Vi vil leggje særleg vekt på tiltak som styrkar samspelet mellom profesjonelle og frivillige aktørar, til dømes arrangement der amatørar opptrer sman med profesjonelle utøvarar på scena, eller der frivillige lag og organisasjonar leiger inn profesjonelle utøvarar for å heve kvaliteten på prosjektet.
• Kommunikasjon og kompetansedelig: Kunne vise til korleis tiltaket og resultat skal bli formidla til konkrete målgrupper. Dette kab vere for eksempel kulturfeltet, næringsliv, lokalsamfunn og/eller offentlege aktørar.

3. Gjennomføring

• Framdriftsplan: Det kjem tudeleg fram korleis tiltaket skal gjennomførast, og at tidsplanen er realistisk.
• Budsjett: Ei realistisk oversikt over inntekter og utgifter knytt til tiltaket eller arrangementet.

4. Geografisk spreiing og mangfald - prioritering kvar runde

Som fylkeskommune skal vi medverke til eit breitt og mangfaldig lokalt kulturtilbod i heile Møre og Romsdal. Når vi prioriterer mellom søknader, legg vi derfor vekt på at tilskota blir fordelte godt utover fylket - slik at ordninga kjem til gode i både store og små lokalsamfunn. Vi ser og på variasjon i type tiltak, arrangørar, kunst- og kulturuttrykk og målgrupper.

Kulturavdelinga i Møre og Romsdal fylkeskommune vil saksbehandle søknaden din utan ugrunna opphald, i tråd med forvaltningslova. Etter at søknaden er behandla vil du få svar på søknaden din skriftleg.I tildelingsbrevet finn du opplysningar om tildelt sum og kva vilkår som må vere oppfylte før du kan få støtta utbetalt. I avslagsbrevet finn du grunnlag for avslaget.

Vi behandlar ikkje søknader som er ufullstendige og som ikkje gir nok informasjon om tiltaket.

At tildelinga er gitt på vilkår betyr at du må følge opp og gjennomføre punkta som står nedanfor. Vi kan kontrollere at vilkåra er følgt.

1. Du må sei ifrå om endringar

Prosjektet eller tiltaket må gjennomførast slik det er søkt om og i tråd med grunngivinga i vedtaket. Viss det er nødvendig å gjere endringar må du avklare det med fylkeskommunen på førehand. Støtta frå fylkeskommunen kan maksimalt utgjere 50 prosent av det totale budsjettet. Viss tiltaket ikkje gjennomførast som planlagt, eller kostnadene blir lågare enn budsjettert, kan støtta bli redusert.

2. Du må rapportere og føre rekneskap

Rapporten skal gjere greie for gjennomføringa av tiltaket i forhold til søknaden. Rekneskapen skal vise korleis støtta er brukt og settast opp slik at det kan samanliknast med budsjettet du sendte i søknaden. Støtta frå fylkeskommunen skal spesifiserast i rekneskapen.

Rapporten skal innehalde namn på aktør(ar) som vart brukt, kort beskriving av arrangementet og tal på deltakarar/publikum. Det må leggast ved program, plakat, omtale, bilde eller anna som viser at tiltaket er gjennomført. I rekneskapen skal honorar for kvar enkelt aktør vere synleggjort.

For tildelingar under 500 000 kroner skal sluttrekneskapen vere kontrollert og signert av nokon som ikkje har vore med i føringa av rekneskapen. For tildelingar over 500 000 kroner, skal det leggast fram rekneskap godkjent av autorisert revisor.

3. Du må få sluttrapporteringa godkjent for å få utbetalt støtta

For å få utbetalt tildelinga di, må du sende inn sluttrapport. Når saksbehandlar har godkjent rapporten din blir beløpet betalt ut. Du må sende rapport seinast tre månadar etter at arrangementet er gjennomført.

Har du ikkje bedt om å få støtta de utbetalt, vil den falle vekk etter to år.

Rapport og rekneskap skal sendes elektronisk via fylkeskommunen sitt nettbaserte rapporteringsskjema. Rapporteringsskjema finn du via denne lenka: https://dialog.mrfylke.no/dialogue/

4. Du må synleggjere støtta du får

Støtta frå fylkeskommunen skal synleggjerast ved marknadsføring. Det skal òg komme fram i årsmelding og eigen post i rekneskapen at det er mottatt tilskot frå Møre og Romsdal fylkeskommune.

Har du gitt ufullstendige eller feilaktige opplysingar i søknaden din, kan vi krevje at du må betale tilbake heile, eller delar av, støtta. Dersom vi ved ein feil utbetaler for mykje, skal det som er utbetalt for mykje betalast tilbake.

Ved hjelp av rapporten du leverer vil vi kontrollere at vilkåra er følgt, og du må gi alle nødvendige opplysingar for at fylkeskommunen kan gjennomføre denne sjekken. I tillegg vil det bli gjort tilfeldige utvida stikkontrollar blant dei som har fått støtte i ordninga.

Dersom det er utbetalt tilskot i strid med den nasjonale forskrifta, eller tilskotet ikkje
er utbetalt eller brukt i samsvar med føresetnadane for tildelinga, kan
fylkeskommunen krevje heile eller delar av tilskotet tilbake.

Vedtak i tilskotssaker er eit enkeltvedtak ifølge forvaltningslova § 28. Det betyr at du kan klage innan tre veker frå den datoen du fekk brevet.

Om du sender inn ei klage, vil kulturavdelinga gjere ei ny vurdering i saka. Dersom ikkje vedtaket blir omgjort, blir klaga sendt til fylkeskommunen si klagenemnd for behandling. Det må påreknast saksbehandlingstid.

Klaga og eventuell dokumentasjon kan sendast digitalt via e-Dialog, som du finn gjennom denne lenka: https://svarut.ks.no/edialog/mottaker/944183779

Kulturtilskot er ei moglegheit for støtte til gode prosjekt, men er ikkje ein rett. Tildelinga skjer ut frå fastsette retningslinjer, krav og prioriteringar, som er opne og tilgjengelege for alle.

Tilskotsmidlane er avgrensa, og det kjem ofte fleire søknadar enn det er midlar til. Derfor vurderer fylkeskommunen søknadane etter ei heilskapleg skjønnsutøving. Sjølv søknadar som oppfyller alle krava, kan få avslag eller ein lågare sum enn søkt beløp.

For å kunne gi tilskot, må vi ha nok midlar i budsjettet.

Vi ønsker å kontinuerlig forbetre korleis vi forvaltar tilskota våre. Målet er at heile prosessen, frå søknad til vedtaksbrev, skal vere både enkel, føreseieleg og brukarvennleg. Derfor ønsker vi av og til å sende ut ei evaluering, i form av ei kort spørreundersøking for å evaluere prosessen. Sjølv om du seier ja, er det sjølvsagt frivillig å svare på evalueringa når den kjem.